" കവിത ഒരു ജനതയുടെ കിനാവാകുന്നു. തലകീഴായ സ്വപ്നം എന്ന്
ക്രിസ്റ്റഫര് കോഡ്വെല് എഴുതി. കൊതിയായി മുന്നോട്ടായുന്ന, ഓര്മ്മയായി
പിന്നോട്ടു ചായുന്ന, മനസ്സിന്റെ രേഖ. ചരിത്രത്തിന്റെ പൂമ്പൊടികള്
വീണുപറ്റിയ ചിറകുകള്കൊണ്ട് അതു പലപ്പോഴും ഭാവിയെ പരാഗണനം ചെയ്യുന്നു .
സന്യാസികളെ ഭൂമിയിലേയ്ക്കും മണ്ണിന്റെ മക്കളെ ആകാശങ്ങളിലേയ്ക്കും
വിരുന്നിനു വിളിക്കുന്നു. ജീവിതത്തിന്റെ കാണാപ്പുറമായി അത് എന്നും നമ്മുടെ
കൂടെത്തന്നെ പാര്ക്കുകയും ചെയ്യുന്നു " --- എം എന് വിജയന്
---